Waziri
wa Maliasili na Utalii, Profesa Jumanne Maghembe amefichua sababu za
Rais John Magufuli, kumteua Meja Jenerali Gaudence Milanzi kuwa Katibu
Mkuu wa wizara hiyo.
Profesa
Maghembe alisema lengo ni kuwa na kamanda atakayeongoza mapambano dhidi
ya ujangili na kutoa onyo kwa majangili kujisalimisha na silaha zao,
vinginevyo watakiona cha mtema kuni.
“Yale
maneno maneno kuwa majangili watakimbilia kujificha msituni au kwenye
makorongo wajue tutawafikia tu. Tumejiandaa kikamilifu hata kama
wataingia makaburini kujificha tutawafikia,” alisema.
Profesa
Maghembe alitoa kauli hiyo juzi wilayani Mwanga baada ya kupokewa na
wanachama na viongozi wa CCM alipowasili jimboni humo.
“Kwa
kweli kiama chao kimefika na tutapambana kisayansi na hata uteuzi wa
mheshimiwa Rais jana (Alhamisi) wa Meja Jenerali Milanzi ni kuwa na
kamanda atakayeongoza mapambano,” alisema.
Waziri
huyo alisema Desemba 30, mwaka jana alikutana na Bodi ya Mamlaka ya
Usimamizi wa Wanyamapori Tanzania (Tawa) na kuweka mikakati kabambe ya
kutokomeza ujangili na majangili.
“Jana
(Desemba 30) niliwaita na kukaa nao kwa saa nne kupanga mikakati ambayo
ni siri, lakini ujue mamlaka hiyo ina watu mashuhuri sana wamo
wanajeshi humo. Tumejipanga hatutanii,” alisema.
Bodi
hiyo iliyoteuliwa na Rais mstaafu, Jakaya Kikwete, Septemba mwaka jana
inaongozwa na Meja Jenerali mstaafu wa Jeshi la Wananchi Tanzania
(JWTZ), Hamis Semfuko.
Wajumbe
wengine wa bodi hiyo ni pamoja na Mnadhimu Mkuu wa JWTZ, Meja Jenerali
Samwel Ndomba na Naibu Inspekta Jenerali wa Polisi, Abdulrahman Kaniki.
Download Video and Put Comment
Toa Maoni Hapa Chini
