Wafanyakazi 800 wa kampuni ya Chiko wagomea wakishinikiza kuboreshewa maslahi.

Zaidi ya wafanyakazi 800 wa kampuni ya ujenzi ya Chiko ya jamuhuri ya China inayojenga barabara kuu ya Dodoma Babati eneo la Mayamaya mpaka Mela wamegoma wakishinikiza uongozi wa kampuni hiyo uboreshe maslahi yao kwa kuwapatia mikataba pamoja na kuongeza mishahara huku wakitaka serikali kuwafukuza wafanyakazi wa kigeni ambao wanapora ajira zinazioweza kufanywa na wazawa huku wakilipwa mamilioni ya fedha.

Wakizungumza mbele ya waziri wa ujenzi uchukuzi na mawasiliano Mhe Prof Makame Mbarawa wafanyakazi hao wamesema wamechoshwa na vitendo vya unyanyasaji wanavyo fanyiwa na wakandarasi kutoka uchina huku wakilipwa mishahara duni na kila wanaposhinikiza madai yao wanapuuzwa huku kukiwa na mrundikano wa wafanyakazi kutoka uchina wanaofanya shughuli wanazomudu wazawa na kuibua matabaka baina yao.

 

Kufuatia madai hayo meneja wa miradi ya barabara kutoka wizara ya ujenzi, uchukuzi na mawasiliano deusdedit kakoko ameutaka uongozi wa kampuni hiyo kuanza kutekeleza mara moja mambo ya msingi yanayohusu ajira ikiwemo kutoa mshahara kulingana ujuzi wa mfanyakazi ikilinganishwa na kima cha serikali pamoja na malipo ya likizo na muda wa ziada.

 

Kwa upande wake waziri wa ujenzi uchukuzi na mawasiliano Mhe Prof Makame Mbarawa akitoa kauli ya serikali mara baada ya kusikiliza hoja za pande zote mbili kuhusu mgogoro huo ameagiza kampuni hiyo na wakandarasi wengine nchi nzima kuanza kutoa mikataba kwa wafanyazi na ndani ya siku saba.

 

Waziri Mbarawa pia amekagua ujenzi unaoendelea wa barabara hiyo ya Dodoma Babati ambayo ni sehemu iliyobakia bila kiwango cha lami kwenye barabara kuu inayounganisha bara la Africa kuanzia Cairo Misri hadi Cape town afrika ya kusini inayojulikana kwa jina maarufu la the great north.

Download Video and Put Comment

Toa Maoni Hapa Chini

facebook

twitter

Tweet

google+

linkedin